Ngoma: Umuryango RPF wahuguye abanyamuryango bawo mu mirenge

Abagize  inzego  z’umuryango  wa RPF  inkotanyi kurwego  rw’umurenge  wa  kibungo  barasabwa  guharanira  ikintu  cyose  cyakomeza kugeza  u Rwanda  ku iterambere  rirambye ritanga  icyizere  cy’ejo hazaza.

Mumahugurwa yaberaga mu mirenge igize akarere ka Ngoma , abanyamuryango bahuguwe kuri gahunda zitandukanye zibafasha kuba abanyamuryango nyabo.

Mu murenge wa Kibungo aya mahugurwa yatangiye kuri uyu wa 12/10/2013 azamara iminsi ibiri abera mu ishuri ryisumbuye rya ASPK.

Muri aya mahugurwa, abanyamuryango  ba  FPR  inkotanyi  barungurana  ibitekerezo kuri  gahunda  zitandukanye  zigamije  kurushaho  guteza  imbere igihugu.

Abanyamuryango  ba FPR  inkotanyi  bo mu murenge  wa kibungo  ho mu karere  ka  Ngoma  bararebera  hamwe  gahunda  zitandukanye  harimo  kurebera  hamwe  aho iterambere  ryigihugu  rigeze  amateka  y’urwanda ndetse na   politike  .

Abitabiriye aya mahugurwa bavuga ko guhugurwa bibafasha byinshi mu gusobanukirwa gahunda uyu muryango ushyize imbere no kuzisobanurira abandi baturage kugirango bajye bazitabira bazizi neza.

Amahugurwa nkaya yatanzwe mu yindi mirenge igize akarere ka Ngoma, mu rwego rwo guhugura anyamuryango ku bikorwa bya politike uyu muryango ushyize imbere, kurebera hamwe aho iterambere rigeze no gusaba aba banyamuryango kwitabira ibikorwa by’umuryango no kubishishikariza abandi baturage.