Rwanda | Rusizi: Kugira uruhare mu kugaragaza inyugu za buri munyarwanda ni inzira y’imiyoborere myiza

Buri munyarwanda wese agomba kwishyira akizana agahabwa umwanya n’ubwisanzure mukugaragaza ibyatuma atabangamirwa muri demokarasi. Ibi ni ibyatangajwe n’Impuguke mu miyoborere myiza mu kigo cy’igihugu gishinzwe imiyoborere myiza RGB, Bwana Karanze Kayigire, mu biganiro byabereye mu Karere ka Rusizi kuri uyu wa 23 ugushyingo,2012 kuri Centre de Pastoral Incuti i Kamembe, bikaba byahabwaga Abagize Biro y’Inama Nyanama y’Abanyamabanga Nshingwabikorwa b’Imirenge, hamwe n’abahagarariye sosiyete sivire hagamijwe kurushaho kunoza no gushimangira service nziza.

           

Atangiza ibi biganiro ku mugaragaro , umuyobozi w’Akarere ka Rusizi, Bwana Nzeyimana Oscar yagaragaje ko muri iki gihe mu nzego zose z’igihugu haba hakenewe ibikorwa bigaragaza akamaro k’imiyoborere myiza kugirango ibyemezo bifatwa ndetse n’ibikorwa byose bigirwemo uruhare rumwe hagati y’abayobozi n’abayoborwa.

Kuri Mayor Oscar rero ngo kutagira imiyoborere myiza ngo ni bimwe mu byatumye u Rwanda rugwa mu icuraburindi kuko abaturage bari bameze nk’impumyi, ntawe uzi gutandukanye ikibi n’icyiza kuko batahabwaga uruhare mu bibakorerwa.

Kwimakaza imiyoborere myiza ni kimwe mu byashyizwemo imbaraga mu Rwanda ibyo ngo abaturage bakabigiramo uruhare kuko aribo banashyiraho ababayobora, iyo miyoborere kandi yakurikiwe no kwegereza abaturage ubuyobozi n’ubushobozi nkuko umuyobozi w’aka karere ka Rusizi nzeyimana Oscar yabitangaje

Aha rero akaba ariho hagaragarira kunenga no gushima kandi ntihagire uzira igitekerezo cye hakurikijwe uko yumva ibintu kandi umuturage wese akaba yibona mu buyobozi. Ibi bijyana no kugira icyerekezo cy’aho uganisha abo uyobora kandi ntihirengagizwe ko n’uyobora ashobora kugira intege nke.

Mu kwibaza niba koko, iyi miyoborere myiza ivugwa ko igamije guha umuturage ijambo n’uruhare mu bimukorerwa, icyaba cyiyigaragaza cyane cyane ku rwego rwo hasi, tubaza bamwe mubitabiriye ibi biganiro:

Bwana Kayigire Karanze impuguke mu miyoborere myiza,  asobanura ijambo imiyoborere myiza, yagaragaje ko hari intambwe uRwanda rumaze gutera asaba abayobozi kuyikomeza barushaho kwegera abaturage cyane cyane bahabwa umwanya mu kumvikanisha ibibazo byabo hatagize uniganywa ijambo bityo abayobozi nabo bakihutira kubisubiza

Twabamenyesha ko, abari muri ibi biganiro, banagaragarijwe ko bimwe mu bigomba kwibandwaho harimo guha umuturage umwanya no kugishwa inama mu bigomba gukorwa.