Nyanza: Imirimo y’inyubako z’utugali irakataje

Imirimo yo kubaka ibiro by’utugali mu mirenge inyuranye igize akarere ka Nyanza irakataje, kugira ngo barebe ko mbere y’uko ukwezi kwa Kamena 2012 kugera aka karere  kuzabe kabyujuje.

Ibiro by’akagali ka Kagunga bikiri mu nyubako/ Ntyazo

Mu murenge wa Ntyazo ni hamwe mu mirenge 10 igize akarere ka Nyanza hamaze kuzamurwa inyubako z’ibiro by’utugali 4 nk’uko Mbarubukeye Vedaste umunyamabanga Nshingwabikorwa y’umurenge wa Ntyazo abivuga.

Akomeza avuga ko bimwe mu biro by’utugali birimo kubakwa muri uwo murenge ari  ibya Kagunga, cyotamakara, Bugali na Katarara.

Ibiro by’akagali ka Bugali/ Ntyazo karimo kubakwa

Ibyo biro by’utugali byubakwa ku nkunga y’abaturage noneho inkunga y’akarere ikaza ibunganira mu bikorwa by’isakaro.  Umuyobozi w’umurenge wa Ntyazo Mbarubukeye Vedaste avuga ko ibyo biro by’utugali nibimara kuzura bizatuma serivisi  ihatangirwa irushaho kwihuta”.

Yagize ati: “Hari ubwo usanga imvura igwa ikabanyagira kuko bamwe bakorera

ahantu hatameze neza”.

Ubu buryo bwo kwishakamo ubushobozi abaturage bakiyubakira ibiro by’ubuyobozi bwabo aho bwahereye bamaze gukemura ikibazo cyaho gukorera nk’uko ubuyobozi bw’umurenge wa Ntyazo bubivuga.

Bamwe mu baturage nabo bavuga ko iyo ibiro by’ubuyobozi bwabo bisa neza aba ari ishema kuri bo ndetse no ku muyobozi ibyicayemo.