Gatsibo bateguye inteko y’abaturage

taliki ya 17 Gicurasi, 2012, Akarere ka Gatsibo kateguye umunsi w’inteko

y’akarere aho inzego zose kuva mumudugudu kugera ku karere zitabiriye

inteko hagasuzumwa ibimaze kugerwaho mu karere no gutekereza

iby’ ishyirwa mu bikorwa mu kwihutisha iterambere ry’akarere.

Umuyobozi w’akarere ka Gatsibo Ruboneza Ambroise atangaza ko ari

igikorwa gishya cyatangijwe n’akarere kuva mu mwaka 2011 yitabirwa

n’abayobozi b’imudugudu, abagize za njyanama, inzego z’umutekano

n’abafatanyabikorwa mu bikorwa by’iterambere, inzego z’uburezi, hamwe

n’ubuyobozi bw’imirenge n’akarere. umuyobozi w’akarere akaba avuga ko

guhura bibafasha kureba amahirwe ahari mu kurwanya ubucyene cyane ko

haboneka amahirwe atandukanye abaturage bagombye gukoresha bakihuta mu

iterambere.

Inteko yabaye 2011 yihaye kuzamura ubukungu bahuza ubutaka bitanga

umusaruro wikubye 2 umusaruro wabanje ndetse biyemeza kongera umusoro

kugera kuri miliyoni 400 hamwe no kongera igikorwa cyo gutera

amashyamba, amakoperative yageze ku 104 kandi afite ubuzima gatozi

ndetse agirwa n’inama zo gukora neza no mu bworozi.

akarere ka Gatsibo gafatwa nk’akarere gafite aborozi benshi kakaba karashoboye

kongera igikorwa cyo gutera inka intanga mukongera inka zitanga

umukamo kuko Gatsibo isanganywe inka zigera kubihumbi 50 by’inka

gakondo.

Inteko yatangajwe n’akarere ikaba idakorwa k’urwego rw’akarere gusa

kuko hari n’imirenge yashoboye kuyikoresha nk’umurenge wa Rwimbogo.