Rwanda : Ubuyobozi bwa Karongi bwarahuye ubumenyi mu gutanga service nziza

Abayobozi b’akarere ka Karongi bafashe ingamba zo gutanga service

nziza no kwegera abaturage mu kubacyemurira ibibazo babafasha mu nzira

y’iterambere nyuma yo gukora urugendo shuri rw’iminsi 2 mu bigo

bitandukanye bikorera mu mujyi wa Kigali, birimo Minisitere y’ubutegetsi bw’igihugu

MINALOC, aho bashoboye gugaragarizwa ibyiza byo kwegera abaturage no

kubafasha kwihuta mu iterambere bahabwa serivise nziza.

Ubuyobozi bw’akarere hamwe n’abagize njyanama y’akarere nibo

bitabiriye urugendo shuri bagamije gutyaza ubwenge mu gutanga

serivise nziza no gufasha abaturage kwiteza imbere mu rwego rwo kugera

kumibereho myiza barwanya ubukene.

TWAGIRAYEZU Emmanuel umwe mubayoboye itsinda ry’abanyakarongi bakoze

urugendo shuri avuga ko mu minsi 2 basuye ibigo bitandukanye birimo

Minisitere y’ubutegetsi bw’igihugu,  komisiyo y’igihugu ishinzwe

umurimo, one stop centre, ikigo gishinzwe imiyoborere myiza, ikigo

cy’igihugu gishinzwe iterambere  hamwe n’ubuyobozi bw’abinjira

n’abasohoka bwashimiwe gutanda serivise nziza ku rwego mpuzamahanga.

Abajyanama b’akarere ka Karongi bakaba bifuza ko nyuma y’urugendo

bakoze n’ubumenyi bungutse bagomba kuba abambere mugutanga serivise

nziza aho bishobora no guteza imbere akarere cyane ko gafite ibikorwa

nyaburanga byinshi bitabyazwa umusaruro uko bikwiye bivuye mu

gushishikarizwa kubyitabira, gutanga serivise nziza kubagana aka

karere bikaba byakongera abagasura ndetse bigatuma gatera imbere

kurenza uko gasanzwe.