Gatsibo: sosiyete sivile yahuguwe ku kamaro k’amatora

Mu gihe abakorana na societe civil mu karere ka Gatsibo bavuga ko bari

basanzwe bahangana na komisiyo y’amatora mu gihe cy’amatora, ubu ngo

basobanukiwe n’uruhare rwabo mu migendekere myiza y’amatora.

Mu mahugurwa y’umunsi umwe komisiyo y’igihugu ibahugura ku bijyanye

n’imiyoborere myiza na democratie, abagize societe civil basanze hari

ibyo batubahiriza kandi biri mu nshingano zabo. Umuhuzabikorwa wa

komisiyo y’igihugu y’amatora mu ntara y’Iburasirazuba Kayiranga

Rwigamba Frank akaba avuga ko hatabaye amatora meza akorewe muri

Democratie,  imiyoborere myiza itagerwaho kandi kugirango igerweho

hacyenewe uruhare rwa buri wese.

Nubwo bimenyerewe ko abitabira amahugurwa bicara bagakurikirana ibyo

bigishwa, komisiyo y’amatora ibakoresha n’ibiganiro aho abagize

societe civil mu karere ka Gatsibo bahawe insanganyamatsiko ibabaza

uruhare rwa societe civil yagira mu migendekere myiza y’amatora

bagashobora kuyitangaho ibitekerezo no kumva uruhare rwabo mu

migendekere myiza y’amatora.

Kwigisha inzego nyinshi zitandukanye akamaro k’amatora n’uruhare

rw’umuturage mu gushyiraho imiyoborere myiza bikaba imwe mumpamvu

z’imiyoborere myiza kuko umuturage wishyiriyeho umuyobozi agira

n’uruhare rwo kumufasha gushyira mu bikorwa ibyo amusaba gukora kandi

umuyobozi nawe akisanga k’umuturage yumva ko agomba kumukorera kuko

ariwe wamushyizeho.

mu gihe mu Rwanda harimo hategurwa amatora y’intumwa za

rubanda komisiyo y’amatura ikomeje kwongerera ubumenyi Inzego zitandukanye kugira girango batore abashobora kubakorera ibyo bifuza kandi bibageza ku miyoborere

myiza n’iterambere.

Amasomo atangwa na komisiyo y’amatora akaba azafasha societe civil,

abavuga rikijyana, abayobozi b’imidugudu n’izindi nzego kugira uruhare

mu matora y’abadepite ateganyijwe kandi bakimakaza umuco w’imiyoborere

myiza mubo bayobora.