Rwanda | Gatsibo : abaturage bagaragaje uko bakira service bahabwa n’ubuyobozi

mu nyigo yakozwe n’umushinga PPIMA na AJPRODHO mu karere ka gatsibo

yagaragaje ko abaturage bagaragaje icyo batekereza n’uko bakira

serivisi bahabwa n’ubuyobozi kuva mumurenge kugera ku karere.

mu baturage 480 babajijwe n’iyi miryango benshi bavuga ko batanyurwa

na serivisi bahabwa mu mirenge abandi bavuga ko batazi serivisi

zikorerwa mu mirenge kugera kuri 29%. uretse abaturage banenga

serivisi zitangirwa mu mirenge zimwe zitangirwa ku karere nazo si

shyashya kuko bavuze ko serivisi z’akarere nazo abazitanga bataboneka

kandi abayobozi ntibamanuke ngo basange abaturage. abaturage bagera kuri 53% nibo bashima uko ubuyobozi bw’akarere bubakira.

bimwe mubyifuzo abaturage bagaragarije iyi miryango yakoze iyi nyigo

yakozwe muri kamena, 2012 bavuga ubuyobozi bw’akarere bukwiye

kubegera kuko hari abatababona ndetse niyo baje ku karere

ntibahabasange. ikindi abaturage bagaragaje nuko batishimira

kutagaragarizwa ingengo y’akarere n’ibyo izakoreshwa kuko aribo

igenerwa abaturage bakaba banenga kuba inama njyanama y’akarere yemeza

ingengo y’imari igashyirwa mu bikorwa abaturage batayimurikiwe ngo

bamenye ibyo bazakorerwa bamenye n’uruhare rwabo.

Banasabye kandi ko abayobozi bo munzego z’ibanze nk’imirenge bakigishwa gucyemura ibibazo

by’abaturage, naho abayobozi b’akarere bakegera abaturage n’abayobozi

b’inzego z’ibanze, bagenzura nibyo bakora bakanagenera umwanya abaturage

babasanga. abaturage bakaba banenga kuba abayobozi bamwe batitaba

telefoni zigendanwa kandi abaturage babahamagara bacyeneye ko

babagezaho ibibazo n’inama cyane ko inimero za telefoni ziba zanditse

ku nzugi abayobozi bakoreramo.

umuyobozi w’akarere ka gatsibo ruboneza ambroise avuga ko

kugaragarizwa uko abaturage babafata nibyo babakorera bifite uruhare

mukongera imiyoborere myiza kandi ko bishimira gukorerwa raporo nk’iyi

kugira ngo bihwiture.

Ruboneza ambroise avuga ko kuba abaturage bagera kuri 18% bavuga ko

batamubona biterwa n’inshingano agira ariko aba yasize abandi bakozi

kandi yizeramo gucyemura ibibazo by’abaturage, gusa avuga ko ibyo

beretswe bigiye gutuma bihwitura cyane cyane abayobozi y’inzego

zibanze mu mirenge batita ku bibazo by’abaturage kandi ariyo nshingano

yambere bafite.