Rwanda | Rwanda | Gatsibo: ubushobozi bucye n’imyumvire micye ku baturage bituma imihigo itagerwaho

Umuyobozi wungirije ushinzwe ubukungu mu karere ka Gatsibo Habarurema

Isae atangaza ko bimwe mubibangamira akarere kugera ku mihigo gahiga

Ari amakiro macye n’imyumvire ya bamwe mubaturage ikiri hasi

batarasobanukirwa neza kwitabira gushyira mu bikorwa ibyahizwe

n’akarere hamwe n’imiryango yabo.

Akarere  gatangaza ko uyu mwaka kitwaye neza mu mihigo nubwo

katayigezeho 100% ariko ibyagezweho birenga 90% kandi yari myinshi

ugereranyije n’utundi turere kuko karushwa n’akarere ka Burera mu

ntara y’Amajyaruguru gusa. Nubwo kuba ibyahizwe bitagezweho ari bicye

ubuyobozi buvuga ko impamvu bitagezweho ari amakiro macye y’akarere

kakibarizwa mucyaro ntikagire ibikorwa byinjiza amafaranga nk’utundi

dufite imijyi.

Uretse kuba amikoro agena ibyo akarere katarenza gukora, imyumvire ya

bamwe mubaturage nayo igira uruhare mugusubiza inyuma ibiteganywa

n’akarere aho bamwe mubaturage batubahiriza ibyateguwe birimo

gukoresha ifumbire no kuyishyurira igihe, guhuza ubutaka no guhingwa

igihingwa cyatoranyijwe.

Abandi baturage bakaba batarasobanukirwa gukoresha neza ibikorwa

remezo bikangirika vuba kandi bihenda akarere mu kubisana mugihe

abaturage batabifite basubira inyuma mu mibereho.

Habarurema avuga ko ikindi cyabaye imbogamizi mu gushyira mu bikorwa

imihigo ari abafatanyabikorwa batakoreye ibintu igihe kuko nabo baba

badafite amafaranga bakoresha babanza gutegereza, bikadindiza ishyirwa

mu bikorwa ry’imihigo.

Akarere ka Gatsibo kishimira gushyira mu bikorwa imihigo ariko umuhigo

wo gushyira amatara ku mihanda ntiwashoboye kugerwaho kuko nubu

ahagombaga gushyirwa amata hakiri umwijima.